ክብሪ ን8 መጋቢት - ኣህጉርዊ መዓልቲ ደቂ ኣንስትዮ!

መንግስቲ ኤርትራ ንሶፍያ ተስፋማርያም ብ”ወግዒ” ቆጺራታ ይበሃል።

ሶፍያ ተስፋማርያም ኣብዚ ቀረባ እዋን ኣብ ኤምባስን ናይ ኤርትራ ማሕበረ ኮም ተባሂሉ ዝፍለጥ ኣብ ጎደና 600 ለ ዝርከብ ናይ ዋሽንግተን ቦታ ድማ ንእስ ዝበለ እትሰርሐሉ ናይ ገዛእ ርእሳ ኦፊስ ተዋሂብዋ ኣሎ ዝብል ዘይተረጋገጸ ወረ ይንገር ኣሎ። እዚ ኣብ ጎደና 600 ዝርከብ ቦታ ቅድሚ ገለ ዓመታት ብኤፍቢኣይ ተፈቲሹ ኔሩ።

እዚ ሓድሽ ሰብ ናይ ምቑጻር ውሳነ ብኤምባሲ፣ እገዳ ዘስዕቦ ሕጽረት ናይ ዲፕሎማስያውያን ጋግ ንምምላእ ዝዕለመ እዩ ይብሉ ኣብ ወጻኢ ዝርከቡ ተዓዘብቲ። እዚ እቶም ንቋንቋ እንግሊዝ ዝመልኩ ኣማኸርቲ፣ የማነ ገብረኣብን የማነ ገብረመሰቀልን ካብ ምጋሽ እንተደኣ ተኣጊዶም ማለት ኢዩ። ሶፍያ ኣብ ቅድመ ግንባር ናይዚ ብስርዓት ኢስያስ ዝካየድ ዘሎ መኸተ እኳ እንተተራእየት፣ እቶም ቀንዲ ኣተግበርቲ ናይ ምፍርራሕን ጸለመን ናይቲ ስርዓት’ሲ ጌና ብድሕሪ መጋረጃ እዮም ዝሰርሑ ዘለዉ ይበሃል።

ምልክታ ንጸረ-ሰልፊ ህግደፍ። (ተኣሪሙ ዝቐረበ ካልኣይ ሕታም)

ብዓንቀጽ ናይቲ ብቤት ምኽሪ ጸጥታ (UN Security Council) እመማ ዓንቀጽ 1907 ምስ መንግስቲ ኤርትራ ናይ ገንዘብን ረብሓን ከይካየድ ዝብል ጥሒሶም ንነፍስ ወከፍ ዘይኸፈለ 30 ናቕፋ ክፈሉ ክብሉ ካብ ገዛ ንገዛ እንዳ ተንቀሳቐሱን እንዳ ዞሩን ገንዘብ ይእክቡ ስለ ዘለዉን፣ እዚ ዘይሕጋዊ ገንዘብ ምምንዛዕ ብኣፍልጦ መንግስቲ ጀርመን ዘይተፈቕደ ስለ ዝኾነ፣ ብፍላይ ድሕሪ እቲ ሰልፊ ንህ.ግ.ደ.ፍ. (ንጉጀለ ኣስመራ) ካልእ ገንዘባዊ ደገፍ ዝምጦ ክእክቡ ብጭቡጥ ምጅማሮም ክረጋገጽ ተኻኢሉ። መንንቶም ኢዮም ኣነጺርና ፈሊጥና ኣለና።

ገለ ኣሓት ካብ ፍራንክፈርት ብቪዛ ንሱዳን ቀጺለን ብሕቡእ ኣብ ናይ "ፈንቅል" ጽንብል ክካፈላ ብናስ ኣየር በረራ ንባጽዕ ወሪደን ቃለ መሕተት ክገብራ ብተለቪዥን ኤርትራ ተዘርጊሑን ተፈንዩን ዝተመዝገበ ሓቅታት ከም ጭብጢ ተታሒዙ ስለ ዘሎን።..............

ንምክልኻል በርገሳዊ ህዝብና ክንብል መካላኸሊ መስርሕ ክንክተል መሪጽና (civil defense mechanism)። እታ ትቐውም ማሕበር ነተን መሳርሒ ማሕበራት ህግደፍ ብብሕቲን ብኡክብን ከተራኻኽበለን መሰልን ጸግዕን ክህልዋ ኢዩ።

ርትዒ ምስ ልቦና ዘኽቲመን: ድንቍርና ብናይ ስምዒት ረስኒ ንወጋሕታ ካብ ጋረደት!!

ካብ ናይ ገበን ባሕሪ ብጭልፋ ንምጥቃስ፣ ... ብዘይ ግብኦ ክብርን ፍቕርን ንዝተቐበሎ ሓላል ህዝቢ ልዕሊ ባዕዳውያን ገዛእቲ ዘሳቕን ዘጥፍእን ዘሎ፣ ንወላዲት ወላድ-መኻን ክትከውን ጌሩ ማህጸና ዘርግማ ዘሎ ውልቀመላኺ ኢሳያስ ኢዩ። እቲ ዝተጨነቐ ኣእምሮ እቲ ደጋጊሙ ንዑ ቃለ-መጠይቕ ግበሩለይ ኢሉ እናዓደመ  ብትምክሕቲ ኣእምሮኡ ከም ዝሰሓተ ብዘየወላውል ኣብ ቅድሚ ዓለም ዘረጋግጽ ዘሎ ኢስያስ ኢዩ። እቲ ብናይ ስነኣእምሮኣዊ ጠንቂ ተጨኒቑ ሃገር ዘዕኑ ህዝቢ ዘሳቒ ዘሎ ውልቀመላኺ ኢሳያስ ቅድሚ ሰሙን ብኣልጀዚራ ኣብ ዝተገብረሉ ቃል-መጠይቕ ንኹሉ ከም ጸሓይ በርቂ ዝተረጋገጸ ሓቅታት ኣሉታ ኪህበሉ ዓለም ርእዩዎን ሰሚዑዎን። ካብኡ ንምጥቃስ፥ ብዛዕባ እገዳ--“እዚ ላግጺ ኣብ ፍትሕን ታሪኽን’ዩ”፤ ኣበይ ኣሎ እቲ መረጋገጺታት? ኣብ ሶማልያ ከም ዝኸድና ኣበይ ኣሎ እቲ መረጋገጺታት?...ሶማልያውያን ኣብ ናይ ሃገሮም ፖለቲካ ኪሳተፉ መሰል ኣሎዎም።”(ህዝቢ ኤርትራ ግን መሰል የብሉን ዘስምዕ።)

ኮሎምበስ ዓዲ መዋእል ኣፈወርቂ - ንስኹም ዘይወጻእኩም ድኣ መን ክወጽእ?

 

ኣበይ ድኣ ኣሎ ሓው ኣብዚ ሰልፊ? ካብ ንዕዑ ንላዕሊ ዝብጽሖ ናይ መገሻ ምእጋድ የልቦን እንተድኣ ከምቲ እገዳ ዝበሎ “መገሻ ንላዕለዎት” ጥራሕ ዘይኮነ ንምስ ህ.ግ.ደ.ፍ. ዝተኣሳሰሩ ውልቀ ሰባት እውን ስለዝምልከት።

ከመይ ጌሩ እዩ እዚ ሰብ ካብቲ ናይ “ድኻታት” ስክሽን 8 ቀሊጢፉ ወጺኡን ኣብ ሃይ ወናኒ ድኳን ንክኸወንን ናብ ኤርትራ ኣብ ዓመት ክንደይ ሰብ ይመላለስ ከምዘሎ ዘይሓተተት ከተማ ዘይወጸአት ድኣ መን ክወጽእ?

 

ኣብ ግራዉቲ ዲሞክራሲ ዝፈለሱ ጻህያይ

ናቶም ከይኣክል ናብ ደቆም ከማሓላልፍዎ ዝፍትኑ ዘለዉ እዩ። ህ.ግ.ደ.ፍ. ድማ፣ ወለዶም ካርኦም ዘንቀጹ፣ ዘበኖም ዝሓለፎም ዝተበልዑ ምዃኖም ተገንዚቡ ቀንዲ ጠመትኡ ናብቶም ከምጥርሑ ካሴት ናቱ መራት ዛንታ ኣጻባቢቑ ክመልኦም ብልዑል ዓቅሚ ክሰርሓሉ ይረአ ኣሎ። እቲ ሓቂ ግን ግዜን ቦታን ስለዘይጥዕም ብዙሓት ልቢ እንዳ ኣዕበዩ ምስከዱ ካብዚ መስመር ክእለዩ  ስለዝኾኑ፣ ብዙሕ ፍረ ክርከቦ ዝኽእል እኳ ተዘይኮነ፣ እዞም ዋላ በጻብዕቲ ዝቑጸሩ፣ ዘርኢ ሓሶትን ዓመጽን፣ ማይ ቢሒቕ ህ.ግ.ደ.ፍ. ከይኮኑና፣ ካብ ፈልሲ ዕጸ ፋርስ ኮከይንን ሄሮይንን ብዘይፍለ፣ ተለልዮም ብኣጋ ህዝቢ ክነቅሓሎም ይግባእ።

ከኣ ንበረልና ክንብሎ! ክንስለፈሉ! እንታይ ክድግም? ናይ ጥዕናዶኸ ትብልዎ!

ስለዚ እቲ ከም ጸሓይ ብርሃን ተዀሊዑ ዘሎ ሓቂ ጎስዩ ስርዓት ህግደፍ ስለምንታይ ’22 ለካቲት ተሰለፉ! ሃገርኩም ኣድሕኑ!’ እናበለ ነቶም ኣብ ስደት ዘለና ኤርትራውያን ቢቲ-ቢቶ ከእትወልና ይጓየ’ሎ? ስለዚ ዋላ’ኳ ኩልና ሃገረይ ህዝበይ ንብል እንትዀና ተግባርና ምስኡ ዘየሳኒ ከይከውን ክንጠንቀቕ የድሊ። ሞራልናን ሕልናናንን ክንመርምር ይግባእ። ዝዛሪ ዘሎ ንብዓት ኣዴታት ከይሓንቀና ንጠንቀቕ። መርገም ኣቦታት ከይዕንቅፈና፡ ኣዕጽምቲ ስዉእትና ከይወግኣና፡ ብዓማጺ ስርዓት ዝጠፍአ ህይወት መንእሰያት ከይፋረደና ደጋጊምና ሕልናና ንመርምር። ኣእምሮና ንስሓሎ። ኣቱም ኣሕዋት! ሎሚ’ኮ ብሰንኪ ህግደፍ ቤተሰብና ብጎሮርኦም ትወርድ ማይ ትርአ ኢያ ዘላ። ህዝብና ደቁ ዝዕንግለሉ ስኢሉ ይማስን’ዩ ዘሎ። ነታ ዝቑርጥማ ዕማኾ እኽሊ ዝምንጥል ጋኔን’ዩ ሒዙዎ ኣሎ። ዝቑርጠም ስኢኑ ኣብ ኣፍ ሞት’ዩ በጺሑ ዘሎ። ኣብ ህዝብና ዘውርዶ ዘሎ ግፍዒኸ ጸብጺብካ ይውዳእ ድዩ? ዘይሓፍር ኰይኑ እምበር ንዝበድሎ ህዝቢ ኣብ ጎድነይ ተሰለፍ! ክብሎ መሕፈሮ።

ህጹጽ ምልክታ ንኹሎም ተኻፈልቲ ሰልፊ ህግደፍ። (3ይን መወዳእታን) ኣንጻር ሕብረተ-ሰብ ዓለም ዝጸወዖ ናይ መናፍሕ ሰልፊ ዝቐርብ መጠንቀቕታ።

ነቶም ኣብ ኤውሮጳ ዘለዉ መንእሰያት ሰላማዊ ሰልፊ ክግብሩ ዝካየድ ሸቐጥ፣ ኣቕርብዎም ሓብሕብዎም ሃገሮም ኣይጸልኡ፣ ዘሰሓሕቶም ስለ ዝረኸቡ ኢዮም ዝብል ጻውዒት ዝገልጽ ንብዓት ሓርገጽ ሓቂዶ ይመስለሙም? ነቶም ኣብ ሱዳን ኣብ ኢትዮጵያ ኣብ ምስሪ ኣብ ሲና ኣብ እስራኤል ዘለዉ መቐመጢ ሰነድ ዘይረኸቡ ደኣ ንምንታይ ጻውዒት ዘይተገብረሎም?
 
ብስነ ጥበብ ዘገልግሉ ውልቀ-ሰባት ተግባሮም ከመይ ጌርና ክልውጡ ንጽበ? ሎሚ ስለ ዝሓመሙ ኣብዚ ተዓቒቦም፣ ውራይ ሕክምንኦም ከይገብሩ፣ ብስዉር ብዙሕ ሕንዝን ስምን ክዘርኡ ከም ዝውዕሉ ጥራይ ዘይኮነስ፣ ንደንበ ኢሰያስ ከዕብዩን ሓዲሽ ምውድዳብ ከም ዘበርክቱ ክሰሓት የብሉን።

ኣብ ኣመሪካ ዘለዉ ናይ ዝተፈላለየ ክፍሊ ስነ-ጥበብ ኣባላት ህግደፍ ፍተዉ ጽልኡ ሎሚ እውን ተግባሮም ከምታ ቀደም ዝነበረት ኢያ ዘላ። ኩሉ እቲ ንዖኦም ሃገራዊ ናጽነት እሞ ናይ ሓቂ ናጽነት ክትዕንብብ ድልየት ኣለዎም ዝብል ርእይቶ ዘለዎ ሓው ወይ ሓብቲ ንሶም እቶም ከይጠመትናዮም ዝሓለፍና መንደህጽትና ኢዮም።

ህጹጽ ምልክታ ንኹሎም ተኻፈልቲ ሰልፊ ህግደፍ። ህግደፍ ኣንጻር ሕብረተ-ሰብ ዓለም ዝጸወዖ ናይ መናፍሕ ሰልፊ ዝቐርብ መጠንቀቕታ።(2ይ)

ንሓደ ሶማላዊ ከይኣመንኩሉ ዲኹም ምስኡ ተጸጊዕኩም? ክብል ሓቲተዮስ ዝሃበኒ ምላሽ እንሃትልኩም። ኩሉ ካብ ሃገሩ ዝሕክል፣ መሓከሊቱ ኣስመራ ኢያ። ኢሰያስ ጉድለት ዘለዎም ሰባት ጥራይ ኢዩ ዘጸግዕ። ኣብ ህግደፍ ዘለዉ መሪሕነት እውን ገለ ዝፈልጠሎም ጉዳይ ኣልይዎም ኮይኑ፣ ሓቲትካዮም ኣይምልሹን ኢዮም። ኩላ ትስራሕ ነገር ብኡኡ ጥራይ ኢያ ትውሰን። ንዓና ምስ ኣሓዋትና ክንራኸብ እሞ ክንዛተ እንተበልናዮ፣ ርክብኩም ኣብ ኣስመራ ጥራይ ክትከውን ኢየ ዘፍቕድ ስለ ዝብለና ክንጠራጠሮ ጀሚርና። ተቓወምቲ ኮና ክንኣቱን ክንወጽእን፣ ፍቓድ ካብኡ ጥራይ ኢና ንወስድ። ፍቓድ ዝህብ ዋላ ሓደ በዓል ስልጠን ኣብ ኣስመራ የለን። ዝተላኣኸልና ገንዘብ እውን ዋላ ብባንክ ይምጻእ ከንውጽኦ ካብኡ ክታም ክህልዎ ኣለዎ። ኢሰያስ ሕሙም ኢዩ። ኤርትራውያን ንፈትወኩም ነርና። ግን ተገሪህና ዝኣተናዮን፣ ህዝቢ እውን ኣሚናን፣ ኢሰያስ ምስ ዝኾነ ሰብ ክሰርሕ ዘየፍቅድን፣ ለይትን ቀትርን ትእዛዙ ክትጽበን፣ ትገብሮን ትንቀሳቐሶን ናይ ሶማል ይኹን እንበር ንሱ ዘየፍቀዶ ኣይትገብርን። ናይ ኣምሓራን ናይ ኦሮሞን ሓንሳብ ተማራሲሖም እንበር ካብኡ ዘገላግል የምጽኣልና በሃልቲ ኢዮም። ሰብ ዝንዕቕን፣ ኣብ ዓለም ንሱ ጥራይ ፈላጥ ገይሩ ዝግምግም ዕቡድ ኢዩ። ኤርትራውያን ደፋር ሰብ ዘለኩም ኣይመስለንን ነይሩ። ጎረባብትኹም ከም ሱዳን ዝኣመሰሉ ጉድለት እውን ኣለዎም፣ ግን ከማኹም ሕቡእ ኣጀንዳ ዘለዎ ግን ኣይረኣኹን በለኒ።

ህጹጽ ምልክታ ንኹሎም ተኻፈልቲ ሰልፊ ህግደፍ (1ይ)

ንዓና እታ ንደልያ ኤርትራ ክሳብ ክንረኽባ ዘለናዮ ቦታ ጎጆና ኢያ። ክትጽዩቕልናን ክትዕሉቑናን ስቕ ኣይንብልን። ብዘለና ሕጋዊ መድረኽ ተጠቒምና ንገጥመኩም፣ ካልእ ኣማራጺ መንገዲ የለን። ንኹሉ ሕጋዊ ሕቶታት ክንጥቀመሉን፣ ኣብተን ንነብረለን ዘለና ሃገራት ጽላልን ቅዋምን ስለ ዘሎ፣ ነቲ ናይ ዑቕባ መሕተቲ ሕግጋት ኮነ ንመሕተቲ ተዛማዲ ዝኾነ ተግባር ክትነብሩ ጸኒሕኩም፤ ብሓሶት፣ "ኢሳያስ ኮነ ህ.ግ.ደ.ፍ. ጸሊእና ኢና ዝወጻእና"፣ ክትብሉን፤ ብኣንጻሩ ድማ ንምንታይ ማዕቀብ ትገብሩሉ ዝብል ሰላማዊ ሰልፊ ገርኩም ክትድግፍዎን፣ ስቕ ኢልና ኣይንምልከትን። ፍተዉ ጽልኡ ደንበና ከተጋዕዝዩ ስቕ ኣይንብልን።  ኢሰያስ ኣብዚ የለን፣ ንዓና እስኻትኩም ኢሳያሳትና ኢኹም። ያመንበሪና ባርዕ ከተእትዉሉ ኣይንጽበን። ንስኹም ድርብ መለክዕ ኣለኩም። ሓሲኹም ዕቕባ ትሓቱ፣ ተሞኽሊኹም ብጥውይዋይ ድማ ኣስመራኹም ትበጽሑ። ስለዚ ስጉምቲ ክንወስድ ዘኽእለና ሕጋዊ መስርሕ ኣብ ኢድና ስለ ዘሎ ናይ ግድን ኣብ መደምደምታ ክንበጽሕ ኣገዲድኩምና።