ናይ ዕለት 22 ለካቲት ኣብ ጎደና

እንታይ ድአ ተመኒና ዘስራሕናዮ ቤትና አይንሰፍሮን ኢና። አብ ሃገርና ዘለዉ አረጊት አቦን አደን አይክንሪኦምን ኢናን፤ ውክልና ከይከሉኡና እዮም ዝብሉ ጉዳም ኤርትራዊያን። እዚኦም እዮም ዘረባ ኤርትራ ዘይርዱኡ ኤርትራዊያን። እዚ ኣብ ታሕቲ ዘሎ ሕቶታት እዩ ቋንቋአ ሃገርና ኤርትራ። እዚ ከይትዛረቡ”ሲ ሰረቕቲ ምስራቕ ተኸልኪሎም ኢልኩም ክትምጉቱ ጉድ”ዩ ነገሩ፤ ገለ ገለ ጹሉላት ናይ ጎደና ዕለት 22 ለካቲት ግን አሽንባይ ቋንቋኣ ሰሚዖም ሽግራታ ክርዱኡላን ክፈትሑላን ደማ ክውሕዝን ዓይና ክነብዕን ሃገርና ኤርትራ እንዳረኣ”ዩ እውን ብጩቕ አይብሉን። ከብዶም እቲ ምንታይ ብጥቕምን ረብሐን ስለ ዝተአስሩ ንካልኢት’ውን እንተተዛረብና እንታይ ገደሰኩም ጥራይ አይኮነን መልሰ ተግባር ካብ ህ.ግ.ደ.ፍ ዝስዕበና።

ኣል ሸባብን ተቓውምቲ ኢትዮጵያን ይበልዑሉን ይምንዝሩሉን ይወልዱሉን.....

ሕዝቢ ኤርትራ 1 ባኒ ክስእን ከሎ ተቓለስቲ ሶማልን ተቓወምቲ ትግራይን ኢሉ ዝሰምዮም ህ.ግ.ደ.ፍ ግን ዝተመርጸ ጻዕዳ ፊኖ ንዖዖም አኺሉ ምስተረፈ ክፋተውሉን ክሽርሙጡሉን ካብ መንእሰያት አሕዋትና ክወልዱሉን ከባዕሉጉሉን ንሪኦም አሎና ። ነዚ’ሲ ደገፍ ?? ??

መሪሕነት ህ.ግ.ደ.ፍ.ን. "ጐብለል" ሊቀ መንበር ኢሳያስን እቲ ሓድሽ ደሞም ናበይ ገጹ የብል ኣሎ?

እቶም ቀንዲ "ወረስቲን ተቀበልቲ ሕድርን ሊቀ-መንበር ኢስያስ ኢና:   "ፖለቲከኛታት" ኢና " በሃልቲ ሓጎስ ገብረሂወት (ኪሻ)፣ የማነ ገብረኣብ (ማንኪ) ከምኡኸኣ ዓብደላ ጃብር (ስታዝ-መምህር) ኢዮም። እዚኦም ኣብ ኮረሻ ስልጣን ኣብ 1995 ብስም “ሓድሽ ደም” ኮፍ ምስኣበሎም: ህላወኦምን ስልጣኖምን ንምጥጣሕ "ሕቆኻ ክሓኸከካ ሕቆይ ሕኸኸኒ" እናተበሃሃሉ: ከም "ግናናን ምናናን" ኮይኖም ይንቀሳቀሱ ነይሮም። ካብ 2002 ንድሓር ከኣ: ነናቶም መንገድታትን ውሽጣዊ ውልቃዊ ስልትታቶምን ክጥቀሙ ጀሚሮም።

ካብዚኣቶም እቲ ቀንዲ እሙንን ኣገግልጋልን ዝብሃል ዝነበረ ሓጎስ “ኪሻ” ገብረሂወት ኢዩ። ተኣማንነቱ ኣብ ቅድሚ ለቀ መምንበር ኢሳያስ  ዝኾነ ይኹን ናይ ምልክት-ሕቶ ኣይነበሮን። ምኽንያቱ: ካብ ቀደም ዝጽንሐ ናይ መቐለ ናይ ኣቦታቶም ዝምድና ኣሲሩ ስለዝሓዞም እዩ። ኣብዚ ወርሓት'ዚ ግን: ኣብ ንፋስ  ኣስመራ ቅልጡፍ ለውጢታትን ምዕባሌታትን ኢዩ ዘሎ።

ኤርትራ፥ ደስኪልካ ትመክኽ እንደገና ትምዘዝ

ድሕሪ ናይ ሕ.መ. እገዳ እቲ ስርዓት ኣብ ስግኣት ኣትዩ ኣሎ ይብሉ ምንጭታትና ካብ ኣስመራ። ታሪኻዊ ኣመል ኢሳያስ ኣብ ግዜ ሽግር ዝተጠቕመሎም ስልትታት ብምቕጻል ተኽሊጥን ምምዛዝን ናይ ቦታ ልውውጥን ጀሚሩ ኣሎ። ካብ ናይ ኮሎነል ተስፋልደት ሃብተስላሰ (ቤት ጽሕፈት ፕረሲደንት) ዝመሎቚ ከምዝሕብሮ ብነዊሕ እዋን “ዝደስከሉ” ሰባት እንደገና “ተባራቢሮም” ኣገደስቲ ናይ ስራሕ ቦታት ከምዝሕዙ ይግበር ኣሎ። ምስዚ ተተሓሕዙ ክሰረሓሉ ዝጸንሐ ናይ ስራሕ ምልውዋጣት እውን ኣሎ።

መግለጺ ዘይብሉ ምቁራጽ ናይ ስልኪ ካብ ምጽዋዕን ጥዋለትን ኣብ ኤርትራ

እዚ ብ552 ዝጅመር ናይ ስልኪ መራኸቢ ንጥዋለትን ውሽጢ ምጽዋዕ እዩ ዝምልከት።  ብዛዕባ እዚ ጉዳይ ነበርትን ሓፈሻዊ ሕዝብን ኣይተነግሩን።

ወግዓዊ ወረ እዚ ናይ መራኸቢ መስመራት ኣብ መወዳእታ ወርሒ ሚያዝያ 2010 ክኽፈት እዩ ይብሉ።

እቲ ምስዚ ዝኸይድ ዘሎ ግምት እቲ ስርዓት ከም መትሓዚ ዘይብሉ ገረወይኛ ሓበሬታ የውጽእ ስለዘሎ እቲ ናይ ከበባን ፍርሕን ስግኣት ናብ ነቶም ኣብ ውሽጢ ዘለዉ እሙናት ንምፍላይን ምክልኻልን ዝዓለመ እዩ ይበሃል።

ወ/ሮ ኣበበሽ፣ በዓልቲ ቤቶም ንሓጎስ ገብረሂወት “ክሻ”፤ ናብ ኤውሮጳ ክትበጽሕ ቀንያ

ወ/ሮ ኣበበሽ፣ በዓልቲ ቤቶም ንሓጎስ ገብረሂወት “ክሻ”፤ ኣብዚ ቀረባ እዋን ናብ ኤውሮጳ ክትበጽሕ ቀንያ ይበሃል። እዚኣ ናይ ኣሜሪካ ዜግነት ስለዘለዋ ኣይገርምን እዩ። ወ/ሮ ኣበበሽ ንበይና ኣይኮነትን ናይ ወጻኢ ዜግነት ዘለዋ ናይ ሓደ ዓቢይ በዓል ስልጣን ኣብ ኤርትራ። ብግዜ ገደሊ ንነጻነት ብዙሓት ናይዞም ሕጂ ስልጣን ሒዞም ዘለዉ ሰባት በዓል ቤት (ዳርጋ ኩለን ደቂ ኣንስትዮ) ኣብቲ ዝሓሸ ተባሂሉ ዝግመት ናይ ኤውሮጳ ሃገራት ካብ ሜዳ እናተላእካ፣ ኣብ ኣብያተ ጽሕፈት ናይ ህ.ግ.ሓ.ኤ. እናሰርሓ፣ ናይ ረድኤት ካብቲ መንግስቲ ማለት ናይ ገዛን ናብራን ቆልዑን ከይተረፈ እናወሰዳ ንህዝባዊ ግንባር ይሰርሓ ኔረን እየን። እዚ ተግባር እዚ ኣብ ናይ ኤርትራ ናይ ረድኤት ማሕበር (ኤራ) እውን የጠቓልል።

ኢሰያስ ኣብ ኣኼባ ካቢኔ ሚኒስተራቱ፡ ዑና መርከብ ክምርቕ መዲቡ።

መራሒ ህግደፍ ዲክታቶር ኢሰያስ ኣፈወርቂ፡ ድሕሪ ሳልስቲ ናይ ካቢኔ ሚኒስተራቱ ኣኼባ ከካየድ መዲቡ ኣሎ። እዚ ናይ ሕጂ ኣኼባ ካቢኔ ሚኒስተራት፡ ስርዓት ኢሰያስ ከም'ቲ ልሙድ "እሰርሕ ኣለኹ" ኢሉ ህዝቢ ንምቕሻሸ ንፕሮፕጋንዳዊ ሃልኪ ዝኾኖ ስእሊ ንምቕራጽን፡ ኣንፈትን ኩነታትን ሹማምንቱ (ጠሊሞሞ’ዶ ገና ምስኡ ኣለዉ) ንምፍታሽን ኮይኑ፡ ኣብ ርእሲ'ዚ ሓንቲ ብላዕላያ ቀለም ተለኽያ ጥዕይቲ እትመስል፡ ኣዝያ ዝኣረገት ጠስጣስ መርከብ ንምምራቕን እውን ኢዩ። እታ መርከብ፡ ናይ ኢሰያስ ናይ ቢዝነስ መሻርኽቲ ዝኾኑ በዓል "ወልዱ ባርያ" ዘይተኣደነ መኽሰብ (ኣፋረ) ረኺቦም ዳርጋ ብጥርሑ "ዝዓደግዋ" ኮይና፡ ዓለማዊ መድሕን (Insurance) ስለዘይብላ ኣብ ስዊዝ ካናል ተዓጊታ ድሕሪ ምቕናያ፡ ናብ ኤርትራ ኣምሪሓ ኣላ።

ኣብ ልዕሊ ፕረዚደንት ኢሳይያስ ኣፈውርቂ ናይ ቅትለት ፈተነ ፈሺሉ

ትማሊ ዕለት 13.8.2009 ሰዓት 4:00 ድሕሪ ቐትሪ ብኣቃጻጽራ ኤርትራ ኣብ ልዕሊ ፕረዚደንት ኢሳይያስ ኣፈውርቂ ናይ ቅትለት ፈተነ ፈሺሉ ይበሃል ኣሎ፡ እዚ ፈተነ እዚ ኣብ ማይ እጣል ጋሕተላይ ተኻይዱ። ኣብዚ ፈተነ እዚ ፕረዚደንት ንስክላ እዩ ተሪፉ፡ እዚ ፈተነ ብምክትል ተለንተ ዳኔኤል ሃብተ ይሕደጎ ዝበሃል ተጋዳላይ ነበር እዩ  ተኻይዱ፡ ዳንኤል  ምስ ናይ ሓለዋ ፕረዚደንት  ተኹሲ ድሕሪ ምልውዋጥ ተሃሪሙ ተቐቲሉ። 

ምቅይያር-9 -ሚኒስተራት ተረጋጊጹ።

ኢሰያስ፡ ምቅይያር ሚኒስተራት ክገብር ዘገደዶ ዝዓበየ ምኽንያት፡ናይ ወጻኢ ኣህጉራዊ ጉዳያት ሃገርና ይኹን ጥምየት ህዝብና፡ቐዳማይን ዝዓበየ ኣጀንዳ ኤውሮጳን ዓለምናን ኮይኑ፡ብተደጋጋሚ ኣብ ዝዝተየሉ እዋን፡መፍትሒ ጥምየት ህዝቢ ኤርትራ ሓገዝ ይወሃብ፡ግና ብቐጥታ ኣብ ኢድ ህዝቢ በጺሑ ካብ ጥምየት ክገላገል ናይ ረዲኤት ትካላት ዝቆጻጸርሉ መካኒዝም ምርግጋጽ፡ልሙድ ኣሰራርሓ ለገስቲን ኣሳለጥትን ትካላት ረዲኤት ከም ኣገባብ ከይንጥቀም፡ብስርዓት ኢሰያስ ስለዝተከልከልና፡ህዝቢ ኤርትራ ብጥምየት እናሞተ ሱቕ ኢልካ ምርኣይ፡ምስ ኢሰያስ ምሙጋት ስለዘይግባእ፡ከም ኣማራጺ ሓገዝ ንህዝቢ ኤርትራ ይወሃብ ተባሂሉ ሰፊሕ ክትዕ ዝካየደሉ ሃዋሁው ተበጺሑ ዘሎ። ጥምየት ህዝቢ ኤርትራ ብመንጽር ዓለምና፡ ንኣዕናውን ዘሕጋውን ኣመራርሓ ኢሰያስ ኣቓሊዕዎ”ዩ።ኣብ ከምዚ ዘይሽፈን ኩነታት ሃገርና”ዩ ምቅይያር ሚኒስተራት ዝግበር ዘሎ።ኢሰያስ ኣለኹ ጌና፡ኩሉ ሓሶት”ዩ፡ተቓውሞ ይኹን ካልእ የለን፡ወይ ኣይ ግድሰንን”ዩ፡ከምድላየይ ከምዝገብር ርኣዩ ስምዑ ዝብል ዕላማን መልእኽትን”ዩ ከምሓላልፍ ደልዩ።

ወነንቲ ትራክተር ትራክተሮም ንመንግስታዊ ጋራጃት ከረክብወን ተኣዚዞም

ወነንቲ ትራክተር ዝኾኑ ግለሰባት፡ ብውልቂ ምሕራስ ተሪፉ፡ ኩላቶም ትራክተሮም ንመንግስታዊ ጋራጃት ከረክብወን፡ ዘየረከበ ድማ፡ ማለት ክሓርሳ ዝተረኽባ ወይ ኣብ ገዝኦም ኣቀሚጦመን ዝተረኽቡ፡ ብኡ ንብኡ ክውረሳ መምርሒ ወጽኡ ከምዘሎ ተፈሊጡ። ናይዚ ምኽንያት ድማ፡ እቶም ትራክተሮም ኣካርዮም ዝጥቀሙ ኮነ፡ እቶም ተኻርዮም ግራቶም ዝሓርሱ ሓረስቶት፡ ንጥፈታቶም ደው ንምባልን ንምልማስን ዝዓለመ ምዃኑ ተፈሊጡ።