ሰበረን ኢሳያስን እንታይ ዘይገበሩ ዝተባህልዎ እዮም ዝገበሩ
አጋገይቲ ኢሳያስ ኑዑባ ካብ ጌጋኩም ተመሃሩ

ባውዛ ካብ መከተ ጽንዓት ኣስመራ 2/6/2010

እዚ ሰበረ’ሲ እንታይ ኔሩ ሽሙ ቐደም ምስበሉዎም ሐደ ሰብአይ? ሰበረ እቲ ቐደም እንበር ከይሰበረ ኮሎ? ሰበረ ዋላ ከይሰበረ? እወ ሰበረ እሞ እዚ ዳአ ዝበሊዎ እንድዩ ዝገበረ በሉዎም ይበሃል።

ሕጂ ድማ መሲልክን እንታይ አምጻክን እንድዩ ኢሳያስ ድኣ’ሞ እንታይ አበሰ አእምሮ ነሩዎ እንተዝነብር’ሲ ቀደም ምስተማህረ ወይ ምስተቐልበሰ ወይ’ውን ብናይ ዝሐለፉዎ ቅዱስ ቅንኢ ምስ ቀንኤ’ሞ ካብ ጌጉኡ ምስ ተጣዕሰ፡፡

ዝእረም ካብ ዘይኮነ፤ አራሚ ካብ ሰአነ መመሊሶም አጆካ አጆካ እንዳበሉዎ እንዳጸደፈ ዳአ’ሞ እንታይ አበሰ ዝበሉዎን እታ ዓቕሙን እዩ ዝገበረ፡፡

አብ በረካታት ሳህራን ዓሙቕ ውቕያኖስ ባሕሪን ዝሃልቑ ዘሎዉ ደቂ ሕዝቢ ደቆም እዮም። ከሙኡ’ውን ኣብ ፈቖዶ ኩርናዕ ሃገርና ዝርከብ ጎዳጉዲ ተሐይሮም ዝርከቡ ዕሸላት መናእሰያት ሃገር ክረኽቡ ዝግቦኦምን ኣቦታትን አዴታትን ብጀካ ንህዝባዊ ግንባር ኣብ 1991 አጣቒዕካ ምቕባል፣ ሐንቲ ገበን ዘይብሎም፣ ንዖዖም ክሐስቡን አብ ልቦም ክምለሱን ንማሕጸኖም። እገዳ እንተተገብረኳ ንሕዝቢ ኤርትራ ዝምልከት አይኮነን።

ምክንያቱ ሕዝቢ ኤርትራ ሕማም ሽኮር ከምዝሐመመ ካብ ጠጥዑሙ ብገዛእ ደቁን ዉሉዱን ካብ ዝኽልከል ዓመታት አቑጺሩ እዩ። ሕጂ ድማ እገዳ እንተተገብረ ነቶም ሕዝቢ አጊዶምን አጥሚኦምን ዘካዕበትዎ ናይ ሐራም ገንዘብ አሸበሸብ ማዕበል ሕዝቢ በርቲዑዎም እንተተዓለዉ’ሞ፣ አብቲ ዝሃደሙዎ መዔንገሊ ከይስእኑ ኢሎም፣ ነቲ ብዘይ አገባብ ዘካዕበትዎን ብደም ራሃጽን ሕዝብን ዝመጸ ገንዘብ፣ ናብ ዋናታቱ ናብ ዋና ሃገር ሕዝቢ ኤርትራ ከይምለስ ብምርዓድ፤ ብስም ግለሰባት ወይጦታት ህ.ግ.ደ.ፍን አንስቶምን ደቖምን ኣብ ዝተፈላለየ ባንክታት ዓለም ስለ ዘቐመጥዎ እዚ እገዳ ነዞም ሐረመታት ገንዘብ ህዝቢ ገቢቶም ዘለዉ ድኣ እዩ ዝምልከት እንበር ንሕዝቢ ኤርትራ ከቶ አይምልከትን እዩ።

ስለዚ ኩቡራት አሕዋት ገ-አንዳተባሃልካ’ዶ? ትጋገ ከይኮነና ንለብም። ኩሉና ከመዮ ኣበው ወለዲ ዝምስልዎ “ኪር ይብለኪ ዒር ይብለኪ” እንተአበኺ አብ ኣፍ ነብሪ ትደኪ” ከምዝበሃል ዳሕራይ ብታሪክ ይቕረ ዘይባሃሎ ጌጋ አይትፈጽሙ። “ንዓይ ይጥዓመኒ አይትበሉ” ሳኣን ሐንቲ ሕብስቲ ትሐልፍ ዘላ ህይወት ዘክሩ፤ ሰአን መድሃኒትን ፈውሲ ረኽሲን ዝመውት ዘሎ ሕዝብኩም ዘክሩ። ሕዝቢ ኤርትራ 1 ባኒ ክስእን ከሎ ተቓለስቲ ሶማልን ተቓወምቲ ትግራይን ኢሉ ዝሰምዮም ህ.ግ.ደ.ፍ ግን ዝተመርጸ ጻዕዳ ፊኖ ንዖዖም አኺሉ ምስተረፈ ክፋተውሉን ክሽርሙጡሉን ካብ መንእሰያት አሕዋትና ክወልዱሉን ከባዕሉጉሉን ንሪኦም አሎና ። ነዚ’ሲ ደገፍ ?? ??