80 ኤርትራውያን ስደተኛታት ካብ ሽመልባ፤ ናብ ሳልሳይ ሃገር ይሰጋገሩ!!

29 ኤርትራውያን ስደተኛታት ካብ ቤት-ማእሰርትታት ግብጺ ብሰላም ናብ ኢትዮጵያ ብዕለት 10-03-2010 ኣትዮም፡፡ ካብኣቶም 5ተ ደቂ-ኣንስትዮ ይርከብኦም፡፡

እዞም ብሓልዮትን ምትሕብባርን መንግስቲ ኢትዮጵያ ናብ ኢትዮጵያ ዝኣተዉ ኤርትራውያን ስደተኛታት ካብ 6-18 ኣዋርሕ ኣብ ቤት-ማእሰርትታት ግብጺ ብኣሰቃቒ ስቅያት ክሳቐዪ ምጽንሖም’ውን ካብ ቃላቶም ክፍለጥ እንከሎ፣ ንኩነታት ቤት-ማእሰርቲ ግብጺ መብርሂ ክህብሉ ከለዉ ግን ንብዓት’ዩ ዝስዕሮም፡፡

ቶጎ ተጒጔ፣ ዩጋንዳ ትቕረብ

 ብዕለት 1 መጋቢት 2010 ኣብ ቢቢሲ ዝወጸ ዜና ፕረሲደንት ቶጎ፣ ፋውረ ግናሲግበ ወዲ ናይ ቶጎ ዲክተተር ነበር ዠን-ፐየር ፋብረ፣ ኣብ ዝተገብረ ፕረሲደንታዊ ምርጫ ንተቓዋማይ ሲዒሩ ይብል። እዚ ውጽኢት ብተቓወምቲ ኣካታዒ ኾይኑ ይርከብ።

ቶጎን ዩጋንዳን ሽግራት ይሃሉወን ድኣምበር ኣብያተ ፍርድን ሚኒስትርታትን ትካላትን ኣገባባትን ዘለወንን፣ ዳርጋ ነጻ ዝኾና ናይ ዜና ማዕከናትን ፖለቲካዊ ሰልፍታት ዝሳተፋሉ ስርዓታት ሒዘን ዝጓዓዛ ሃገራት እየን።  

ኣውስትራልያ ንእገዳ ሕጋዊ ትገብር።

ቤት ምኽሪ ጸጥታ ሕቡራት መንግስታት ብዕለት 23 ኅዳር 2009 ንድንጋገ 1907 ኣጽዲቑ ኣብ ልዕሊ ኤርትራ እገዳ ወሲኑ። እዚ ብምኽንያት ኣብ መንጎ ኤርትራን ጁቡቲን ዝቕጽል ዘሎ ናይ ዶብ ምስሕሓብ ጉዳይን፣ ከምኡ እውን  ኤርትራ፣ ኣብ ሶማል ርግኣት ንኸይሰፍንን ዕርቂ ንኸይግበርን ምእንቲ፣ ንዕጡቓት ጉጅለታት ሓገዝ ትገብር ስለ ዘላ፣ ቤት ምኽሪ ጸጥታ እዚ ተግባራት እዚ ንኣህጉራዊ ሰላምን ርግኣትን ኣስጋኢ ከምዝኾነ መዲቡ።

ኤውሮጳዊ ሕብረት ኣህጉራዊ እገዳታት ኣብ ልዕሊ ኤርትራ የተግብር።

ቤት ምኽሪ ኤውሮጳዊ ሕብረት ሎሚ ውሳነ (1) (5534/10) ብመሰረት ናይ ሕቡራት መንግስታት ቤት ምኽሪ ውሳነ 1907 (2009) ኣብ ልዕሊ ኤርትራ ኣህጉራዊ እገዳታት ኸተግብር ወሲኑ።

1) ንብሕጊ ዝሓለፈ ናይ ኣጽዋር እገዳ ብምጥሓስ

2) ንከባቢ ኣብ ምንዕዓብ ዝዓለማ ናይ ተቓወምቲ ሓይልታት ብምሕጋዝ

3) ንናይ ጁቡቲን ኤርትራን ዶብ ውሳነ ሕ.መ. 1862 (2009) ኣብ ግብሪ ንምውዓል ብምእባይ

4) ንውልቀ ሰባትን ጉጅለታትን ኣብ ረጽሚ ንኽሳተፉን ኣብ ግብረ ሽበራ ንኽውዕሉን ኣብ ልዕሊ ካልኦት መንግስታትን ወይ እውን ኣብ ልዕሊ ዜጋታት ናይዚ ከባቢ ግብረ ሽበራን ረጽምን ንኸውዕሉ ብምእንጋድን ገንዘባዊ ሓገዝ ብምግባርን ንጉዳይ ብምስላጥን ምሕጋዝን ብምውዳብን ወይ ድማ ብምዕላምን

5) ብመሰረት ሕ.መ. 1853 (2008) ንናይ ሶማል ጉዳይ ዝወጸ ንናይ ሶማል ናይ ምዕዛብ ጉጅለ ስራሕን ምርምርን ብምዕንቃፍ

ስሪ ላንካን ኤርትራን ዝነበረን ዝምድና ተበቲኹ።

ብዛዕባ’ዚ “ምስ ኤርትራ ኣዝዩ ሕማቕ ተመኲሮ እዩ ዘለና። ኣብኡ ገለ ገለ ገለ ናይ ነብሪ ታሚል ኤላን ሓርነት (LTTE) ባእታታት ከምዘለዉ ኣብ ጋዜጣ ስለዝወጸ ንፈልጦ ኢና፤ ግንከ ኣይንትሓባባርን ኢሎምና። ሕጂ ድማ እንደገና ካብ ሀ ኢልና ዝምድና ክንምስርት ንፍትን ኣለና” በለ ራጃፕክሳ። 

“እዚ ኣብ ናይ ዜና ማዕከናት ምስ ወጸ፣ ኤርትራ ኩሉ ነገር ዓጽያ። ኣይዛረቡናንን ምሳና ርክብ ፈጺሞም ዓጽዮም” ክብል እቲ ሚኒስተር ንደይሊ ሚረር ገሊጹ። “ናይ ስሪ ላንካ ቆንስላዊ ቤት ጽሕፈት ንምኽፋት ንዝነበረ መደብ እውን ኣብዮም” ክብል ብተወሳኺ ኣብሪሁ። እዚ ቤት ጽሕፈት ነቶም ኣብ ኤርትራ ዝርከቡ ናይ ነብሪ ታሚል ኤላን ሓርነት (LTTE) (Liberation Tigers of Tami Elan) ባእታታት ንምክትታል ዝዓለመ ስለዝነበረ፤ እዚ ዕላማ እውን ፈሺሉ ኣሎ።"

መንግስቲ ሽወደን ነቶም ብደገፍቲ ህግደፍ ዝመሓደሩ ናይ ራድዮ መደባት ጥብቂ ቁጽጽር ክገብሮሎም ከምዘለዎ ኣብ ዮቶቦሪ ዝርከቡ ግዱሳን ኤሪትራውያን ....

ስርዓት ህግደፍ  ብመንገዲ ደገፍቱ አቢሉ ካብ  ከተማ የቶቦሪ ዘመሓላልፎ ሓድነት ህዝቢ ዝበታትን ናይ ፕሮፖጋንዳ ራድዮ ፕሮግራም ደው ከብልን አብቲ ናይቲ ራድዮ መደባት አንጻር ኤሪትራውያን  ዝፍኖ ምፍርራሕ: ሓሶትን ዘለፋታትን ሕጋዊ ስጉምቲ ክውሰድን  ብተወሳኺ  መንግስቲ ሽወደን ነቶም ብደገፍቲ ህግደፍ ዝመሓደሩ ናይ ራድዮ መደባት ጥብቂ ቁጽጽር ክገብሮሎም ከምዘለዎ ኣብ ዮቶቦሪ ዝርከቡ ግዱሳን ኤሪትራውያን አብ ዝተፈላላያ ናይ ጋዜጣ ማዕከናትን ናይ ተለቪዥን መደባትን ቀሪቦም  ኩሉ ናይ ህግደፍ  ናይ ፕሮፖጋንዳ ምንቅስቃስ ከመይ ከምዝመስል ኣቃሊዖም::

1. TV4 (Channal 4)
2. GT newspaper
3. GT newspaper
4. TV4 (Channal 4)

ስርዓት ህግደፍ ግፋ ንኸካይድ ይዳሎ ከም ዘሎ ተፈሊጡ፡፡

ንህዝቢ ኤርትራ ብወረ ኲናትን ማእዝኑ ንምስሓት ካብ ምዕልባጥ ዓዲ ውዒሉ ዘይፈልጥ ስርዓት ህ.ግ.ደ.ፍ. ብዕለት 27/01/2010 ንመራሕቲ ጉጅለን መራሕቲ ቁሸታት ጻውዒት ኣብ ከተማ ባረንቱ ኣኼባ ከም ዘካየደ ተፈሊጡ፡፡

ብተወሳኺ እቲ ዜና፣ ቅድሚ ሕጂ ረድኤት ክህበኩም እየ ብዝብል ሽፋን ኣብ ከባቢታት ብሄር ኩናማ ከካይዶ ዝጸንሐ ምዝገባ ስድራ ቤታት ሓይሊ መንእሰይ ንምፍላጥን ነዚ ዝተኣልመ ግፋታት ንምክያድ ከም ዝኾነ እቲ ዝመጸና ዜና ወሲኹ ኣቃሊዑ፡፡ 

ዑደት ላዕለዎት ሓልፍቲ ስርዓት ህግደፍ ኣብ ኤውሮጳ፡

ሚንስተር ሚኒስትሪ ዜና ዓሊ ዓብዱ፡  ሓላፊ ፖለቲካዊ ጉዳያት ህግደፍ ኣቶ የማነ ገብርኣብ፡  ጠዓመ (መቐለ) ኣባል ሃገራዊ ድሕነትን ናይ ወጻኢ ስለያን ከምኡውን ካልኦት ላዕለዎት ሓልፍቲ ዝርከብዎም ጉጅለ ህግደፍ ኣብ ኤውሮጳ ሃገር ጀርመን ከተማ ፍራንክፈርት: ኣብ ኢንሳይድ ፕሪምዮም ዝተባህለ ሆቴል ዓሪዶም ናይ ጸይቂ ንጥፈታቶም የካይዱ ከምዘለዉ ምንጭታትና ካብቲ ቦታ ኣረጋጊጾም።

ናይ ስዊስ መንግስቲ ኣብ ልዕሊ ኤርትራ ናይ ኣጽዋር እገዳ ክገብር ወሲኑ።

ናይ ሃገረ ስዊስ እገዳ ብሓሙስ (ሎሚ 2/4/2010) ኣብ ግብሪ ክውዕል እዩ። እዚ ንናይ ኣጽዋር መሸጣን፣ ሰደድን ኩሉ ዓይነት ናይ ጠያይቲ መሰል ናውቲ ኣጽዋር ከምዝምልከት ናይ ቁጠባ ሚኒስትሪ ኣብ ዝሃቦ መግለጺ ኣፍሊጡ። ምስዚ ንወተሃድራዊ ንጥፈታትን ናይ ኣጽዋር ዝሕግዝ ፊናንሲያዊ መስርሕ (ናይ ገንዘብ) እውን ከምዝተኸልከለ ገሊጹ።

Audio: ቀዳማይ ሚኒስተር ፌደራላዊት ደሞክራሲያዊት ሪፓብሊክ ኢትዮጵያ ክቡር ኣቶ መለሰ ዜናዊ ምስ ሬድዮ ድምጺ ወጋሕታ ዘካየዶ ቃለ-መሕተት

ቀዳማይ ሚኒስተር ፌደራላዊት ደሞክራሲያዊት ሪፓብሊክ ኢትዮጵያ ክቡር ኣቶ መለሰ ዜናዊ ምስ ማሕበረሰባዊት ሬድዮ ድምጺ ወጋሕታ ኣብ ዘካየዶ ቃለ-መሕተት ባይቶ ጸጥታ ውድብ ሕቡራት ሃገራት ዘንበሮ ማዕቀብ  ብኢትዮጵያን ኣመሪካን ዝተሃንደሰ’ዩ ዝብል ኣባሃህላ ኣብ ገለ ኤርትራውያን ኣሎ’ሞ ከመይ ትርእዮ ተባሂሉ ተሓቲቱ ኣብ ዝሃቦ መልሲ እቲ ማዕቀብ ጉጅለ ህግደፍ ምስ ኩለን ጎረባብቲ ሃገራት እንዳተናኸሰ ነዚ ዞባ ብምህዋኽ ዝገብሮ ዘሎ ምንቅስቃስ ካብ ጫፍ ናብ ጫፍ ብዘለዋ ሃገራት ስለዝተጸልአ ዝተወሰነን ሓደን ክልተን ዝበሃለሉ ከምዘይኮነን ኣስሚሩሉ።