ክሳብ ማዓስ ህዝቢ እንዳ ጠፍኤ ክትዕበሱ
ብህ.ግ.ደ.ፍ. ህዝቢ ይጸንት ንስኹም ትድቅሱ
እዝንኹም እንዳ ሰምዔ ኣፍኩም ተዓቢሱ
ናዓኹም ኣሚኑ ህ.ግ.ደ.ፍ/ ጥንቅሊዒት ደቂሱ
ይኽደን ህዝቢ ህ.ግ.ደ.ፍ ሓዊሱ ከይገብረኩም ቁርሱ።
ዘክሩ እባ እቶም ምእንታና ዝወደቑ
ዘክሩ ነቶም ከምጨው ዝሓቐቑ
ዓገብ ምስ ጠለምቲ ሕድሪ ክትስሕቁ
እንታይ ክትገብሩ ኢኹም ምስ ከደ መሊቑ።
ብሓደ ድምጺ ንበል ሆሆ ንህ.ግ.ደ.ፍ. ክንብድሆ
ብሓደ ድምጺ ንበል ሆ ህዝብና ክረክብ መርሆ
ከይሃደመ ኣብ ብሎኮ ዓሪድና ክጸንሖ
ጃንዳ ህ.ግ.ደ.ፍ. ካብ ሱሩ ምስ ተሞሖ
ዝተዓጸወ ህድሞታት ክሮሖ ክሮሖ።
ሓዲሽ ምዕራፍ ክንከፍት ኣብ ታሪኽና
ኣብ ኣርባዓታት ዝጀመርዎ ኣቦሓጎታትና
ኣብ ጎረበት ሃገር ዋዕላ ክንገብር ንብገስ ኣሎና
ብሰንኪ ጃንዳ ህ.ግ.ደ.ፍ. ሃገርና ካብ ሓረመና
ብሰንኪ ጃንዳ ህ.ግ.ደ.ፍ. ሃገርና ካብ ኮነት ዑና
ብዋዕላ ንደሞክራስያዊ ለውጢ ክንፈትሖ ሽግርና።
ህዝቢ ኣብ ትሒቲ ህ.ግ.ደ.ፍ. መሲሉ ትኪ
ሕንኡ ዘይፈዲ ኣቦታትና ይብልዎ በትኪ
ኣይበዝሔ ዶ ኣነ እየ ናይ ህዝቢ ተሓላቒ
ነዚ ኩሉ ተቓዋማይ ረጊጽካስ ኣነ እየ ባዓል ሓቂ
ቁምነገር ግበር ካብ ትነጉድ ብዘይ በርቂ
ድሕሪ ውድቀት ህ.ግ.ደ.ፍ. ኣበደን ምልኪ ጸይቂ
ህዝቢ ዝመረጾ እዩ ሃገር ዝመርሕ እዩ እቲ ሓቂ።
ጽቡቕ እንዳ በላዕካ ብሰላም እንዳ ነበርካ
ንዋዕላ እንተተቓወምካ ሓቅኻ እንታይ ጎዲሉካ
ሓልዮት ህዝቢ ከምዘይብልካ ኣራጋጊጽካ
ንሱ እንተ ኮይኑ ትሕዝቶኻ ተሪፍካ ኣኺሉካ።
መንእሰያት ይጸንት ንስኻትኩም ትስሕቁ
ገለ ትሕጭጩ እንዳ በላዕኩም ጸጽቡቑ
ምስ ህ.ግ.ደ.ፍ. ሓቢርኩም ህዝቢ ተሕቅቑ
ክሳብ ማዓስ መስ ህ.ግ.ደ.ፍ. ክትማጻደቑ
በሉ ክሳብ ጋሻ ውሒጅ ዝወስደኩም ሳሓቑ
ጽባሕ ክወግሕ እዩ ምስ ተወገነ ጸጸይቑ።
ህዝቢ ቀቢጹ እንተ ተላዒሉ ኣኺልኩም
ብዘይ ነጎዳ ዝሃረመ ማይ ከይወስደኩም ምስ መራሒኹም
ነቲ ዝበደልኩምዎ ህዝቢ እቅረታ ሕተትዎ ቀልጢፍኩም
ድሕሪ ውድቀት ጃንዳ ህ.ግ.ደ.ፍ. ከይገደኩም ከይገደኩም።
ዓወት ነቲ ደም ዝነብዕ ዘሎ ህዝቢ ኤረትራ
ክብርን ሞጎስን ንጀጋኑ ስዋኣትና
ኤረና ንለብዘበን እንበር ዓመታስ ሸዊት ለምለም
ዕንወት ንጃንዳ ህ.ግ.ደ.ፍ.ን ዓንገልቶምን
